Vinsent - Там | Текст песни

• Тексты песен
• Vinsent
• Там

Там

Ранішняя кава і прывітаньне, сьвет,
Я зноў бачу цябе і гэта найлепш.
Мне пашчасьціла быць тут,
Дзе чысьціня і бруд,
Гэта як інь і янь,
І я гэта люблю.
Гадзіньнікі ідуць, а хвіліны зьнікаюць імгненна,
Гарачая кроў па венах, я адчуваю, перамены ўжо блізка.
Мая валізка напоўненая ўсім патрэбным, дарога чакае,
Некалькі крокаў наперад, усе сумневы зьнікаюць.
І штодня мы плывем паміж хмарачосамі, вуліцы поўняцца намі,
Наша жыцьцё нібыта рака, і наша жыцьцё нібыта цунамі.
Што наканавана, тое праходзім, нават калі жыцьцё не салодзіць,
Нават на галалёдзе наперад, пакуль мы не адчуем, што годзе.
Вось так…
Сустрэнемся там, дзе кожны глядзіць у заўтра,
Там. дзе кладуцца патрэбныя карты.
Там, дзе я мары свае не пакіну,
Там, дзе нас круціць зямля штохвіліну.

R:
Там
Яшчэ жывая надзея,
Я мару сваю не пакіну.
Там
Куды прыходзяць ідэі,
Нас круціць зямля штохвіліну.
Яшчэ жывая надзея,
Я мару сваю не пакіну.
Там
Куды прыходзяць ідэі,
Нас круціць зямля штохвіліну.

Мы там, дзе пачынаецца космас,
Чаму? Гэта даволі проста,
Там тысячы вачэй гараць нібыта зоркі,
І гэта бліжэй за неба, туды шлях зусім кароткі.
Туды квіток адзін, і ён ляжыць ужо ў кішэні,
Тут не патрэбна кідацца словам, трэба дакладна трапляць у мішэні.
І так, як насеньне мы прарастаем высока і гэта нібы летуценьне,
Ловім праменьне, хоць тут не заусёды так, як хацеў я,
Але хваля ідзе, хто ты і дзе, і куды ты ідзеш?
Крочыш у цемры, і не дарэмна, бо потым удзень імчыш па вадзе.
І пакрысе зьмяняецца сьвет, істотна, што не зьмяняемся мы,
Зранку мы ідзем па расе, шукаючы тое, для чаго трэба жыць.
Сустрэнемся там, дзе кожны глядзіць у заўтра.
Там, дзе кладуцца патрэбныя карты.
Там, дзе я мары свае не пакіну,
Там, дзе нас круціць зямля штохвіліну.