Альбина Хакимова - Син минем мәңге сөярем | Текст песни

• Тексты песен
• Альбина Хакимова
• Син минем мәңге сөярем

СИН – МИНЕМ МӘҢГЕ СӨЯРЕМ

Ризван Хәкимов көе
Шәриф Биккол сүзләре

Син – күңелем талларына
кунаклаган былбылым;
җан тартканым,
ямь тапканым,
тик минеке булгырым!

Син – минем татлы хыялым,
талмас канат куючым;
күз яшемне түктерүчем,
җаннарымны кыючым.

Син – тәкъдирдә язылганның
карасы да, агы да:
күгемдә йә кояш балкый,
йә гел болыт агыла.

Син – минем мәңге сөярем,
ничек кенә булсаң да;
сине ташлар хәлләрем юк,
ниләр генә кылсаң да...


Альбина Хакимова еще тексты