Валерый Дайнэка - Каля Чырвонага касьцёла | Текст песни

• Тексты песен
• Валерый Дайнэка
• Каля Чырвонага касьцёла

Згараў цудоўны дзень асеньні,
Лісты кружыліся наўкола,
А я стаяў у захапленьні
Каля Чырвонага касьцёла.

Шумела плошча неўгамонна,
Нібы ня ведала, ня знала,
Што дабрадзейная Алёна
Мяне з табой благаслаўляла.

Прыпеў:
Каля Чырвонага касьцёла
На флейце ты іграла сола.
І покуль музыка гучала,
Яна мяне з табой вянчала.

І грукацела сэрца звонам,
І ад пяшчоты замірала.
І вочы боскага Сымона
Усьмешкай радасьці кранала.

Плылі аблокі нізка-нізка,
Нібы самотныя анёлы.
Было да Бога блізка-блізка,
Як да Чырвонага касьцёла.

Прыпеў:
Каля Чырвонага касьцёла
На флейце ты іграла сола.
І покуль музыка гучала,
Яна мяне з табой вянчала.

Vale et me ama
Adoremus in ӕternum
Benedictus

Валерый Дайнэка еще тексты