В.Каруев(Джангар 11-я глава) - Догшн Шар Гүргүһин бөлг | Текст песни

• Тексты песен
• В.Каруев(Джангар 11-я глава)
• Догшн Шар Гүргүһин бөлг

Бумб дала гидг дала дүүрн делдүлгсн,
Бас Замб түвән дүүрн делдүлгсн
Шикрлүһин өр дунд,
Шилтә Зандн һолын адг дунд,
Өргн Шарту нертә далан цутхлңд,
Өндр Маңхн Цаһан уулын довтлгч омрун дор
Алдр Җаңһрин өргә далн саяр делдүлв.
Бумбин Цаһан өргәг
Найн дөрвәр термлгсн,
Термин миңһәдәр уньллгсн,
Уньн-юуһинь
Арслңгин соя-юуһар кевлгсн,,
Терм-юуһинь
Даң заани сояһар шахулгсн,
Күдр зандар эрклгсн,
Күҗ улан зандар харачлгсн,
Еңгр цаһан мөңгәр цаһрглгсн,
Өнчн зандар шорлгсн
— Бумбин цаһан өргә.

В.Каруев(Джангар 11-я глава) еще тексты