Группа «Хурзæрин» (сол. Шота Багаев) - Сау цæстытæ | Текст песни

• Тексты песен
• Группа «Хурзæрин» (сол. Шота Багаев)
• Сау цæстытæ

Уарзтон æз сау цæстытæ, уарзтон,
Рæсугъддæр уыдонæй кæм уыд?
{Æхсæв сæ стъалытимæ барстон,
Уыдтæн сæ алы бон рæвдыд.} x2

Фæлæ мæ иунæгæй ныууагътой,
Мæнæй фæлыгъдысты тæргай,
{Æмæ мын афтæ дæр нæ загътой:
«Хæрзбон уал! Хорз амонд дæ хай!»} x2

Æмæ кæд уыдонæй фæцух дæн,
Æмæ кæд ферох кодтой мæн,
{Уæддæр сæ цæстæнгас рæсугъдæй
Зæрдæйы баззади мæнæн.} x2

Тæхуды, абон та кæй тавынц
Сæ хъармæй рухс хурау фæлмæн,
{Тæхуды, афтæ тынг кæй уарзынц,
Куыд уарзтой раг уалдзæджы мæн!..} x2

Уарзтон æз сау цæстытæ, уарзтон,
Рæсугъддæр уыдонæй кæм уыд?
{Æхсæв сæ стъалытимæ барстон,
Уыдтæн сæ алы бон рæвдыд.} x3

Слова Мухарбега Кочисова

«Музыкальная культура осетин» © 2011
vk.com/ossmus
¯¯\/¯¯¯¯¯¯¯¯¯
☻/
/▌
/ \

Группа «Хурзæрин» (сол. Шота Багаев) еще тексты