ГСО Минкультуры СССР. Стихиры Ивана Грозного - 5. Стихира на преставление Петра, митрополита Московского и всея Руси (окончание) | Текст песни

• Тексты песен
• ГСО Минкультуры СССР. Стихиры Ивана Грозного
• 5. Стихира на преставление Петра, митрополита Московского и всея Руси (окончание)

Кыми похвалеными вѣнецы увяземо святителя, иже плотью в Руси суща и духовно всѣмъ достизающа, иже чистѣ того любяще, вѣрнымо предстателя и заступеника, иже всѣмо скорбнымо утѣшителя, благочестия рѣку, землю Рускую веселющу течении, Петра, теплаго предстателя нашего и хранителя?

Кыми пророческими пѣнии вѣнчаемо святителя, нечестию спротивобореца и благочестию правителя, освященнаго ото пелено, столпа церкви неподвижимаго, иже веся злобеныя посрамляюща, потребителя Сеитова, реку многихъ чюдесо, землю Рускую веселящу течении, Петра, теплаго предстателя нашего и хранителя?

Кыми духовеными пѣнии воспоимо святителя, иже далная суща провидяща и отстоящая яко близо суща пророчествующа неложено, иже явлениеме Пречистыя первосвятителю явлешуся дивнаго в чюдесѣхъ исцеления весѣмо подавающа, реку землю Рускую веселящу течении, Петра, теплаго предстателя нашего и хранителя?

«Слава». Глас 1. Божественаго совыше явления свѣтелостию умоме своиме просвѣтивося, Петре, твердый умоме, законы избѣже естественыя, якоже сѣне благодатию же истиненою, весемудре, осиянно бысте, отонюдуже и приятелище Пресвятаго Духа бысте, чюдесемо дарово приято обогащая сими чада своя, и нынѣ с первосвятители предостоя Христу, молися о душахо нашихо.

«И ныне» празднику. Глас той же. Приимите ясли егоже во купинѣ Моисей Законоположенико провидѣ во Хоривѣ нынѣ ражаемо ото Дѣвы Духоме Божественыиме: тая и есте иже в Законѣ реченная, тая есте пророческая печате, яже Бога плотию тлѣннымо являюще, емуже поклонимося.

НА ИСХОЖЕНИИ:СЛАВА, ГЛАС 6. ТВОРЕНИЕ ЦАРЕВО

Денесе собори рустии сошедошеся радостено празденуимо, первосвятителю Петру и чюдотворецу ото земля на небо прошедошу, благочестено торжествуимо прежеосвященнаго ото пелено во спасение Христовыхъ словесеныхъ овеце: цари свѣща носяща предоидуте, царскаго благолѣпия чтуще честеное украшение, святители трудо весе отоложеше радостено послѣдующе первосвятителю Божию Петру и предстателю; веси убо радостено возопиемо: «Радуйся, святителю Петре, молися прилѣжно о душахо нашихо».

«И ныне» празнику.