диакон Алексий Неделин. Ильинский кафедральный собор, г Россошь - Великая ектения. Чтение Евангелия (Мф., 77 зач., XVIII, 23-35) | Текст песни

• Тексты песен
• диакон Алексий Неделин. Ильинский кафедральный собор, г Россошь
• Великая ектения. Чтение Евангелия (Мф., 77 зач., XVIII, 23-35)

Сего ради уподобися царствие небесное человеку царю, иже восхоте стязатися о словеси с рабы своими.
Наченшуже ему стязатися, приведоша ему единаго должника тмою талант. Не имущу же ему воздати, повеле и Господь его продати, и жену его, и чада, вся, елика имеяше, и отдати.
Пад убо раб той, кланяшеся ему, глаголя: господи, потерпи на мне, и вся ти воздам. Милосердовав же господь раба того, прости его, и долг отпусти ему.
Изшед же раб той, обрете единаго от клеврет своих, иже (бе) должен ему стом пенязь: и емь его давляше, глаголя: отдаждь ми, им же еси должен. Пад убо клеврет его на нозе его, моляше его, глаголя: потерпи на мне, и вся воздам ти. Он же не хотяше, но вед всади его в темницу, дондеже воздаст должное.
Видевше же клеврети его бывшая, сжалиша (си) зело, и пришедше сказаша господину своему вся бывшая.
Тогда призвав его господин его, глагола ему: рабе лукавый, весь долг он отпустих тебе, понеже умолил мя еси. Не подобаше ли и тебе помиловати клеврета твоего, якоже и аз тя помиловах? И прогневався господь его, предаде его мучителем, дондеже воздаст весь долг свой.
Тако и Отец Мой небесный сотворит вам, аще не отпустите кийждо брату своему от сердец ваших прегрешения их.

диакон Алексий Неделин. Ильинский кафедральный собор, г Россошь еще тексты