ДИНА АЛИЕВА - АЛЬХАМДУЛИЛЛЯХ | Текст песни

• Тексты песен
• ДИНА АЛИЕВА
• АЛЬХАМДУЛИЛЛЯХ

Альгьамдулиллягь Аллагь, гьар макътавланы есси,
Къудратынгны ойласа, къулунгну къалмай эси.
Къудратынга къарамакъ, гезлени ярыкълыгъы,
Сагъа макътавлар этмек, тиллени тарыкълыгъы.

Ажайып гезню нюрю, Сен этгенсен гереген,
Бир увуч топуракъгъа, минг тюрлю тил береген.
Минг тюрлю тиллер булан, макътавун этсе гиши,
Нингматларынга гере, тергевлю болмас иши.

Мухаммад пайхамбардыр, нингматларынгдан бири,
Ону шукрусун этме, кимни етер гьюнери.
Сени бирлигинг билип, огъарда болуп умет,
Биздей азиз къуллагъа бергенсен уллу девлет.

Аллагьу Аллагь я Аллагь, Аллагьу Аллагь я Аллагь,
Аллагьу Аллагь я Аллагь, Сен бизден геч я Аллагь.

Я Рабби бизге булай, уллу девлет берген сонг,
Олай уллу нингматгъа, бизин лайыкъ герген сонг.
Умут этдирген бизге, артыкъ эркин рагьматынг,
Алмассан бугъай бизге къайтарып берген затынг.

Ахырат сафарында ёлдаш эт бизге ону ,
Айырма ону бизден, инг тарыкълы заманда.
Гезден айыкъ бусакъда, берилгенбиз юрекден,
Мухаммад Расулгъада, инандыкъ гермесекде.

Герти тасдыкъ этген сонг, дуньяда гёрмей оьзюн,
Ахыратда насип эт, гёрмекни нюрлю юзюн.
Ким сюйсе ол Расулдан, къыямат гюн шафаат,
Салават салсын бугюн атын эшитген сагьат.

ДИНА АЛИЕВА еще тексты