Зьміцер Вайцюшкевіч - Калыханка | Текст песни

• Тексты песен
• Зьміцер Вайцюшкевіч
• Калыханка

Ціха ноч ступае
З зорнаю сявенькай.
Па сінім Дунаі
Дзед плыве сівенькі.
А вязе ён кадку,
Мёд салодкі ў кадцы,
Кожнаму дзіцятку
Па цікавай казцы.
Мёдам вочкі мажа,
Доўга казку кажа.
А гэтага дзеда
Дзеткам трэба ведаць.
Не рыпяць завесы,
Калі зойдзе ў хату.
Добрым сном завецца
Дзядок барадаты.
Ты, дзядок, у лодку
Забірай Ілонку.
Няхай засынае на сінім Дунаі.
Як засьне, да мамы
Завязі малую.
Хвалі б’юць памалу,
Месячык вяслуе.
Лю-лі-лю-лі, лодка.
Засынай, Ілонка.
Лю-лі-лю-лі,
Зоранькі паснулі...