Касбот Тамбиев - Баллада о Куанче Бабаеве | Текст песни

• Тексты песен
• Касбот Тамбиев
• Баллада о Куанче Бабаеве

Муз. и сл. Касбота Тамбиева.

Мадар жокъду табийгьатны кючюне,
Ким билялыр келир кюнюн, ажалын!
Жилямугъум сыйынмайды кёзюме,
Жаным кюед сени къатыш, Малкъарым!

Онглу, онгсуз айырмагьан ёлюмге,
Башхасы жокъ кимни жанын алыргъа!
Нек келед да ёлюм терк-терк игиге,
Ант этгенча халкъгъа жара салыргъа.

Кёп къыйынлыкъ кёрюп келген, Малкъарым!
Табылырмы энди себеп жанынга!
Бу къыйынлыкъ келсин сени жауунга,
Ёткюр жашынг- жюрегинги жубанчы,
Замансызлай кетди сени Къууанчынг!

Кетди, къоюп кюнюбюзню палахха,
Бек керекли болуп къалды Аллахха!
Уста жюзген, уста элтген кемени,
Къалай къалдынг, тасмы этдинг эсинги.
Чыгъаралмай черек суудан кесинги!

Миллетинги къууанч кюнюн кёрюучю,
«Суу», дегеннге жууурт айран бериучю.
Керек кюнде билек болгъан халкъынга,
Кимни къоюп кетдинг бизге орнунга.

Энди тууармы Минги тауда бир инсан
Миллетине сени кибик жарагъан,
Халкъы ючюн хазыр болгъан ёлюрге,
Тау миллетден аты чыкъгъан игиге?

Жашчыкъларынг ёксюз болуп къалдыла.
Жашауунгу Аллах къойсун алагъа.
Ахлуларынг сууукъ кёрге салдыла,
Тартынмайды бюгюн киши жиляргъа!

Сууукъ къабыр сени бизден айырды.
Атынг къалыр ёмюрлюкге миллетде,
Къыйынлыкъда бел бюкмеген, Малкъарым!
Таш юсюнде гюл ёсдюрген, Малкъарым!
Минги тауу буруу болсун ёлюкге,
Аллах берсин дайым насып кёрюрге.

Касбот Тамбиев еще тексты