Әлим Ҡәйүмов - Элмәлек | Текст песни

• Тексты песен
• Әлим Ҡәйүмов
• Элмәлек

Башҡорт халыҡ йыры

Ай, элмәлек, ай, элмәлек,
Элмәле лә тундарҙы беҙ кеймәнек.
Әллә йәшлек, әллә иҫәрлек,
Уҙған ғүмеркәйҙәрҙе беҙ һиҙмәнек.

Ап-аҡ микән, йомшаҡ микән,
Һылыуымдың ҡулдары,
Салауат күпере кеүек
Һыуға барған юлдары.


Ҡамалы тун, ҡамалы тун,
Ҡамалары булһа ла, буҫтау юҡ.
Буҫтауҙары булһа ла шул, купшы тегергә лә -
Оҫтаһы юҡ.

Аҡ сабата, аҡ ойоҡ,
Сабата башы ҡыйыҡ.
Һыҙылып киткән ҡара мыйыҡ,
Нисек үбәрһең ҡыйыҡ.
Ап-аҡ микән, йомшаҡ микән,
Һылыуымдың ҡулдары,
Салауат күпере кеүек
Һыуға барған юлдары.

Әлим Ҡәйүмов еще тексты