Неизвестный исполнитель - Ja vezan Dela | Текст песни

• Тексты песен
• Неизвестный исполнитель
• Ja vezan Dela

Чурт санна лаьтта со
Г1ум-Азин арахь,
Тянь-Шанан ламанех
б1аьрг кхетча г1ийла
Генарчу Даймехкан
сурт х1оттало,
Малхбузе мел хьийжи,
дог 1ийжадо.

Малх буза бегийна
рег1а лахбеча,
Суьйре а даш санна
суна язъелча,
Ойланийн дарц даьлла
со айавелча,
Даймахка вуссу со,
я Везан Дела!

Берахь со хьийзинчу
даккъашка вуссий,
Лаьмнашка, арешка
сирла б1аьрг кхуссий,
Х1иттинчу б1аьргашка
сирла хиш дуссий,
Даймахке хьожу со,
я Везан Дела!

Тезетахь техкаш го
вайн бошмаш, хьаннаш,
Г1айг1анах юьзна ю
тог1енаш, хьаннаш,
Дайн кешнаш хиллачохь
уппханийн аннаш
Хьулдан да воцуш го,
я Везан Дела!

Вай дина ярташ го
тишъелла, г1ийла,
Го шийла шовданаш
дай боцуш мийла,
Вайн хьомсар ков-керташ
каш санна шийла,
Сов ирча карадо,
я Везан Дела!

Т1аккха со, дог духий,
аьрцнашка волу,
1ийжачу кийрара
мохь-ц1ог1а долу,
Есачу тог1еша
соьца мохь олу,
1адавой воьрзу со,
я Везан Дела!

Чурт санна лаьтта со
Г1ум-Азин арахь,
Тянь-Шанан ламанех
б1аьрг кхетча г1ийла
Генарчу Даймехкан
сурт х1оттало,
Малхбузе мел хьийжи
дог 1ийжадо!

Неизвестный исполнитель еще тексты