Объединённый хор Свято-Троицкой Сергиевой Лавры и МДАиС под управлением Архимандрита Матфея (Мормыля) - Ангельский собор. Воскресные тропари по непорочных, глас 5, Знаменный распев в гармонизации П.Чеснокова (09) | Текст песни

• Тексты песен
• Объединённый хор Свято-Троицкой Сергиевой Лавры и МДАиС под управлением Архимандрита Матфея (Мормыля)
• Ангельский собор. Воскресные тропари по непорочных, глас 5, Знаменный распев в гармонизации П.Чеснокова (09)

Благословен еси, Господи, научи мя оправданием Твоим.

Ангельский собор удивися, зря Тебе в мертвых вменившася, смертную же, Спасе, крепость разоривша, и с Собою Адама воздвигша, и от ада вся свободша.

Благословен еси, Господи, научи мя оправданием Твоим.

Почто мира с милостивными слезами, о ученицы, растворяете? Блистаяйся во гробе Ангел мироносицам вещаше: видите вы гроб и уразумейте: Спас бо воскресе от гроба.

Благословен еси, Господи, научи мя оправданием Твоим.

Зело рано мироносицы течаху ко гробу Твоему рыдающыя, но предста к ним Ангел и рече: рыдания время преста, не плачите, воскресение же апостолом рцыте. Благословен еси, Господи, научи мя оправданием Твоим.

Мироносицы жены с миры пришедшия ко гробу Твоему, Спасе, рыдаху, Ангел же к ним рече, глаголя: что с мертвыми живаго помышляете? Яко Бог бо, воскресе от гроба.

Слава Отцу и Сыну и Святому Духу.

Поклонимся Отцу и Его Сынови, и Святому Духу, Святей Троице во единем существе, с Серафимы зовуще: Свят, Свят, Свят еси, Господи.

И ныне и присно и во веки веков, аминь.

Жизнодавца рождши, греха, Дево, Адама избавила еси, радость же Еве в печали место подала еси, падшия же от жизни к сей направи из Тебе воплотивыися Бог и Человек.

Аллилуиа, Аллилуиа, Аллилуиа, слава Тебе, Боже (трижды).

Объединённый хор Свято-Троицкой Сергиевой Лавры и МДАиС под управлением Архимандрита Матфея (Мормыля) еще тексты