Омар Отаров - Рачыкъаулары (Рачыкъауланы джыры) | Текст песни и Перевод на русский

• Тексты песен
• Омар Отаров
• Рачыкъаулары (Рачыкъауланы джыры)

муз. и сл. народные

Эй, Рачыкъаулары
Чегем бойнунда, ой, джашайла,
Къуллары этген рысхыны
Ала ач бёрюлча ашайла

Эй, къулларыны къанын а
Ала не кёб ичселе да, тоймайла
Джангы келинлеге
Оракъ ордурмайын ала къоймайла.

Эй, халкъда джюрюген
Намыс-адетлени была бузалла, -
Асыры мардадан,
Чекден ала озалла

Эй, Ахтукъанланы да
Джигит туугъан Келиммет,
Тёзюм къалмагъанында,
Быланы къолгъа алгъанды.

Тёреге тизилиб а,
Таякъ тюбю бла ётелле,
Рачыкъауланы барын да
Къырыргъа ант этелле.

Эй, Келиммет аланы да
Юч къауумгъа бёледи,
Бир къауумгъа кеси башчы болуб,
Думалагъа келеди.

Эй, ала Думалада
Эмчек уланны табдыла,
Сермеб къолгъа алыб,
Аны мыйысын къадау ташха джакъдыла.

Эй, эмчек анасы уа
Келимметге кесин атханды,
Джумдурукъ тийиб,
Эси тайыб, арбазда джатханды.

Эй, экинчи къауум а
Ордасындакга чабалла,
Рачыкъауланы ёлюр джери болду -
Анда будай сабанла.

Эй, ючюнчю къауум а
Гестентиге кетдиле,
Рачыкъауланы къырыб,
Анда артларын этдиле.

Эй, кёзбаучу къартла да
Аланы къабырларына джылайла
Джыйылыулада да
Ма былай айтыб джырлайла:

Эй, ала баш кюн чыкъгъан эдиле
Ылышкыда оракъгъа,
Аланы не хаталары тийген эди
Мурдар чолакъгъа?

Эй, мурдар чолакъ
Джангыз къолун сизге миз этди,
Къара итлерин да
Къой кесерге юретди.

Эй, Ылышкыда джетген будай сабанла, -
Энди алаорулмайын къалдыла.

Эй, Эндиреуюк улу джигит Джаммырза
Къара къаманы тартханды,
Рачыкъау улуну
Башын юздюрюб атханды.

Эй, Келимметге гыбышыла, сынгарла,,
Ит къулладан туугъан ала ит мурдарла,

Эй, бай мюлклеригизни
Харам къулла талайла,
Къызыл къаныгъызны
Джер джыланла джалайла.

Эй, къаныгъыз чачылды
Гестентиде талагъа.
Сизни не хатагъыз тийген эди
Тайчыкъ бла балагъа.

Эй, алада ашагъан а
Акъ ётмеклери,
Ичген а къара сыралары
Харам болсун алагъа.

Бизни не хатабыз жетген эди
Ит мурдарлагъа -
Элбайланы
Тайчы бла Балагъа?

Эй, атны тойдурсанг а,
Ол а иги чабар,
Итни тойдурсанг а -
Ол а бутунгдан къабар.

Эй, тойдургъан къулларыгъыз
Сизни халек этдиле.
Джарыкъ кюнлеригиз
Къайтмаздан кетдиле.

Эй, къарын джауугъуыз джагъылды
Гестентиде къауданнга,
Къаныгъыз къошулду
Гестентиде акъгъан къара шауданнга.

Эй, сизге келген кюнле келсинле
Сизни къыргъан къуллагъа,
Къатын да къалмады
Сиз джазыкълагъа ызыгъыздан джыларгъа.