Тарай - Ярапланăм (Айдар Сашши/Георгий Ирхи) | Текст песни

• Тексты песен
• Тарай
• Ярапланăм (Айдар Сашши/Георгий Ирхи)

Çĕр выртма та хӳтлĕх çук-им,
Лăш курма та канлĕх çук-им, –
Пĕлĕте эс ункăлан
Ларма вырăн çуккăран.

Йышăнса пĕтернĕ мар-и,
Йышăнса пĕтернĕ мар-и
Ирĕкленнĕ вырăна, –
Юлнă эс, кĕтмен хăна.

Çĕннисем унта хуçа халь.
Юттисем унта хуçа халь:
Йышăнмаççĕ ассине,
Тӳперен анассине.

Уçлăхпа тăванлансан та,
Ирĕкпе юмартлансан та,
Хăтлăх кирлĕ-мĕн чуна,
Пĕчĕк çеç яраплана.

Каçа юлнă яраплан пек,
Каçа юлнă яраплан пек
Вĕçрĕн-вĕçрĕн те – ăçта
Ларса канăн-ши, ăста?

Каçа юлнă ярапланăм,
Каçа юлнă ярапланăм,
Çаврăнатăн, çаврăнан –
Кампала сыв пуллашан?

Каçа юлнă ярапланăм,
Каçа юлнă ярапланăм,
Çаврăнатăн, çаврăнан –
Кампала сыв пуллашан?

Георгий Ирхи


Тарай еще тексты