Тацяна Беланогая - Лістапад па вясьне… (26/04) | Текст песни

• Тексты песен
• Тацяна Беланогая
• Лістапад па вясьне… (26/04)

Лістапад па вясьне… І ў сястры валасы
Нечакана ўзялі і выпалі…
Можа, з кніг трэба выкінуць слова "лясы",
Каб нашчадкі бацькоў ня выкрылі?

Супакояць статысты, бо ўсё міма нас —
Абязглебленых, абязьлісьценых,
Можа, даць мастакам сацыяльны заказ,
Каб мадонны іх сталі лысымі?..

Непрыкметна для сьвету, прад грознай бядой
Пакаленняў у генах скалечаных,
Краснапольскай бабулі душы супакой…
Ціха сьпелі «навекі вечныя»…

Каля рэчкі бяроза, рука пад шчаку —
Сьпіць дзяўчынка, ёй трэба вырасьці…
Як мне хрэсьніцу-Кацьку, перад Богам дачку
Ад бацькоў з Магілёўшчыны вывезьці?..

#piesni #Bielanohaja #Чарнобыль #Чорнобиль #Чернобыль

Тацяна Беланогая еще тексты