MORT - 3.Нунал бере нунал | Текст песни

• Тексты песен
• MORT
• 3.Нунал бере нунал

Нунал бере нунал.
1) Нунал бере нунал – вылез уг адскы.
Куддыр берыктыса огпӧртэмлэсь уд ватскы.
Кофе сӥямын. Ку вал со понэмын..?
Уг тодкы, шунытэз пушкысьтыз кадь вунэмын.
Чиньыос зӥбыло сьӧдэ но тӧдьые.
Выйисько выль крезьгуре –
Оло со монэ вие..?
Ӟеч. Мон нош ик ышемын,
Кӧня дыр ортчоз уг тодкы, мон тазьы ни дышемын.
Час. Кык. Куинь. Ньыль.
Гур – лык. Эн ыш, кыль.
Монэ зӥбе, секыт синъёс,
Ӝӧке выдко. Чырткем вӧтъёс… (но!)

Но озьы гинэ уз лу нӥ ай дырез но кутыны!
Йыры мынам уз ву нӥ ма потэ вал вӧтаны!
Нош – ӵукна. Синучкон – шимес.
Отысь адямиен ми йӧттӥськом кимес.
Улэп кадь ай, умой, кӧсэктэм ке но, тӧрнам,
Кызьы ке со мисьтӥськем на, ангесысь тушсэ турнам.
Но потӥ кыре. Дунне каллен выре.
Куанер, калгись адями векчиме куре.

Со сётэм вить манетлэсь воштӥськоз-а улон?
Мынам – уз. Нош солэн – уг тодкы.
Жаляса векчилыкме огзэ вии дыр толон…
Котыр – бус. Кулэлыкме уг шӧдкы…
Отын но татын пурысь тодмо ымныръёс,
Адӟеме но чик уг поты. Кудӥз ке учке – йыръёз.
Нош огез – туж яркыт, но шуныт; вольтчытэ сюлэмез,
Но ватӥсько мон учкемез.
Кышкасько шузимыто мон сое но крезьгурен!
Мон ӧвӧл огшоры! Мон – сураськем, пожам йырен.
Соин али ик мон берто но пазьго зӥбылонме,
Соин али ик вунэто йырын шудӥсь куарагурме.
Но пуксё. Но лэзё. Но зӥбо. Но кошко.
Бусытӥ. Мон азьлань. Кыдёке ышисько.
Но вуо – кытчы ке шур доры. Мон тодско.
Но пуксё, вунэто, кенжыто, но кыско…


MORT еще тексты