Марьям Казиева и Гюльназ Гаджикурбанова - Гъудган | Текст песни

• Тексты песен
• Марьям Казиева и Гюльназ Гаджикурбанова
• Гъудган

Имандин сес чан к1ваъ айи муъминди,
Аллагьдихъди гъабхру сюгьбат ву гъудган.
Муъмин касдиз айи нурлу иманди,
Марагълу мурхьул ву, йиз гъардшар, гъудган.

Гук1ни сесниинди к1ураза гафар,
Жегьеннемдин ц1ихьан уьрхава Аллагь!
Ккун ап1ури гьач1арккназа йиз хилар,
Учуз женнет кьисмат ап1ин, сар Аллагь!

Я Аллагь, сар Аллагь -
Учуз женнет кьисмат ап1ин, жан Аллагь!

Гъудгниз фарзар тамам ап1ру кас муъмин,
Эйси хьиди уьмрин ислягь ва сикин.
Ц1юхъюм вуйи дивандин йигъан гъагъи,
Ухьуз далда хьибди гъудгникан сагъи.

Гъудгниз вафаллу йихь имандин гъардаш,
Дидиз хас ву кьадарсуз гизаф саваб.
Хилар ккидисну Аллагьдиз улуп маш,
Жегьеннемдин аржлиин дархьуз кабаб.

Муъминарин дуствалин ижми бару,
Ву пуз шулу, чйир, ухьу ап1ру гъудган.
Жегьеннемдин ц1ин ялавнахьан уьрхру,
Женнетдин гъуш ву ухьу ап1ру гъудган.

Гук1ни сесниинди к1ураза гафар,
Жегьеннемдин ц1ихьан уьрхава Аллагь!
Ккун ап1ури гьач1арккназа йиз хилар,
Учуз женнет кьисмат ап1ин, сар Аллагь!

Я Аллагь, сар Аллагь -
Учуз женнет кьисмат ап1ин, жан Аллагь!